Ortopedi dhe Fizioterapi

Pse formohet këmbë e sheshtë dhe si mund të trajtohet

Themi për një person që ka këmbë të sheshtë, kur në pozicionin drejt, e gjithë këmba është në kontakt me dyshemenë. Pra, këmba nuk e ka atë harkun e zakonshëm. Kjo është një patologji që në përgjithësi nuk provokon dhimbje dhe mund të shfaqet gjatë fëmijërisë, ashtu dhe ndër vite.

Por mund të çojë në një shtrirje jokorrekte të këmbës dhe kjo shkakton probleme në kavilje dhe në gjunj.

PSE KËMBËT JANË TË SHESHTA?

Gjatë fëmijërsisë është normale të kesh këmbët e sheshta, duke pasur parasysh se harku i këmbës formohet gjatë kësaj faze. Por tek disa persona harku nuk zhvillohet kurrë. Por kjo nuk do të thotë domosdoshmërish që të shkaktojë probleme apo të jetë diçka negative.

Këmbët mund të bëhen të sheshta dhe me kalimin e viteve. Në këtë rast, zakonisht ndodh vetëm tek njëra nga këmbët. Mund të shfaqet për shkak të plakjes apo si rezultat i mbipeshës, një lëndimi apo sëmundjeje. Cilado prej këtyre situatave dëmton tendinat, domethënë pjesën që mbështet harkun.

Nga ana tjetër ka faktorë përcaktues që rrisin rrezikun që të vuani nga këmba e sheshtë. Përveç atyre që përmendëm më lart është dhe diabeti dhe artriti reumatoid.

Një studim i bërë nga Universiteti i Kilit konfirmon se:
“Gjendja ushqyese shoqërohet me rritje të incidencës së këmbës së sheshtë tek fëmijët. Në popullsinë fëminore mes 6 dhe 10 vjeç obeziteti është i lidhur me një ndryshim morfologjik të këmbës”

Për këtë arsye është e rëndësishme ti kushtoni rëndësi ushqimit, sidomos tek fëmijët. Obeziteti ndikon në zhvillimin e sistemit muskulo-skeletor.

SIMPTOMAT

Një pjesë e mirë e personave që kanë këmbën e sheshtë nuk kanë asnjë simptomë. Megjithatë, disa ndjenë dhimbje në gjithë këmbën. Duke qenë se këmbët e sheshta shkaktojnë shtrirje të gabuar, dhe dhimbja mund të prekë kaviljen ose gjurin.

Këmbët e sheshta janë të lidhura me rrotullimin e gjurit në brendësi. Kjo patologji njihet me emrin e gjurit valgus ose varus. Bëhet fjalë për një problem si skeletor dhe estetik, duke pasur parasysh se vihet re me shikim të lirë.

Simptoma të tjera tipike të këmbës s sheshte janë dhe lodhja dhe pesha e këmbëve. Ecja mund të bëhet e lodhshme. Në disa raste, edhe shpina mund të ketë pasoja.

TRAJTIMI

Në rastin e këmbës së sheshtë që ka dhimbje ka trajtime të ndryshme që përmirësojën situatën:
Ushtrimet për shtrirjen e këmbës: shërben në ato rastet kur tendina e Akilit është më e shkurtër se normalja.
Pajisjet ortopedike: që mbështesin harkun. Disa mund të blihen pa recetë por duhet të dizenjohen sipas përmasës. Janë shtresa të personalizuarta të përshtatshme me perimetrin e këmbës që lehtësojnë simptomat.

Këpucët me shollë: ndihmojnë në qetësimin e dhimbjes dhe rezultojnë më komode se këpucët me pak mbështetje.

Në rastin e fëmijëve, ideale është të përpiqeni të korrigjoni këmbën e sheshtë me disa ushtrime. Duke nisur nga katër vjec përdorni shtresa që ndihmojnë në shtrirjen e këmbës.

Mund të ndërhyhet dhe me kirurgji. Kjo këshillohet vetëm në rastet e komplikuara. Për shembull, ndërhyhet përgjithësisht tek personat që kanë fraktura të tendinave.

Në rastin e sportistëve fizioterapia është efikase. Kjo pasi shumë raste të këmbës së sheshtë janë për shkak të lëndimeve të shkaktuara nga mbipesah gjatë ushtrimeve që nuk ndiqen si duhet. Fizioterapistët dhe trajnerët mund të shmangin këtë problem duke ndihmuar në përmirësimin e teknikës./ MeMjekun.com

MeMjekun

Share
Published by
MeMjekun

Recent Posts

Çfarë është haloterapia, apo terapia e kripës dhe pse është e nevojshme?

E njohur dhe si terapia e kripës, haloterapia është një trajtim alternativ që përfshin ekspozimin…

7 months ago

Çfarë është Gastrina, hormoni i tretjes dhe analiza që bëhet

Gastrina është hormoni që luan një rol të rëndësishëm në procesin e tretjes, duke ndihmuar…

9 months ago

Çfarë duhet të dimë për ecodoppler dhe kur duhet kryer

Ekografia është ndër mjetet më të përdorura në mjekësi për ekzaminimet. Një nga inovacionet e…

10 months ago

Çfarë janë viruset dhe si vepron ai i gripit

Virus në latinisht d.m.th helm. Viruset qëndrojnë ne mes kufirit të së gjallës dhe të…

10 months ago

Çfarë është Mineralometria Kockore e Kompjuterizuar, apo densiteti i kockave

Ekzaminimi i densitometrisë së kockave tregon nëse jeni prekur nga osteoporoza apo se shëndeti i…

10 months ago

Rëndësia e vitaminës D dhe si duhet ta marrim

E RENDESISHME! Ky artikull është vetëm për të rriturit dhe jo fëmijët. Rekomandohet se para…

11 months ago