Me Mjekun

Globulinat alfa janë proteina që prodhohen nga mëlçia dhe qarkullojnë në gjak kur ka një proces inflamator, ose kur ka disa sëmundje. Ato ndahen në dy grupe:

Globulinat alfa 1
Globulinat alfa 2

Pas marrjes së kampionit të gjakut nga vena ndahen në laborator në komponentë të ndryshëm falë një procedimi të bërë me elektroforezë, që mund t’i ndajë, e për pasojë t’i identifikojë, proteinat baza në lëvizshmërinë e tyre në brendësi të fushës elektrike.

Një ndryshim i vlerave të tyre duhet të argumentohet dhe mbështetet nga parametra të tjerë laboratorikë, që mund të drejtojnë mjekun drejt një diagnoze të saktë.

VLERAT NORMALE

Vlerat normale:
Globulinat Alfa 1: 0.1 – 0.3 g/dL ose 2 – 3.5 %
Globulinat Alfa 2: 0.6 – 1.0 g/dL ose 6 – 11 %

Vlerat e referimit varet lehtësisht nga një laborator në tjetrin, kështu që referimi bëhet prej tyre.

INTERPRETIMI

Vlerat e larta apo të ulëta të globulinave Alfa mund të tregojnë dyshimin e një sëmundjeje, por gjithmonë duhet të interpretohen në kontekstin e përgjithshëm që vjen nga analiza të tjera të kërkuara, simptoma dhe shenja gjatë analizës objektive dhe historisë klinike të pacientit.

Globulinat Alfa 1 të ulëta
Vlerat e ulëta të saj mund të tregojnë sëmundje të mëlçisë, mungesë të alfa 1- antitripsinës (globulinë Alfa 1) (sidomos gjenetike, me pasojë shqetësime të mëlçisë apo mushkrive).

Globulinat Alfa 1 me vlera të larta

Një rritje e tyre mund të jetë e lidhur me procese inflamatore akute, tumore, sëmundje autoimune.

Edhe shtatzënia mund të shpegojë një rritje të tyre, që në këtë rast konsiderohet gjendje para-fiziologjike prandaj nuk duhet të shqetësoheni pasi është normale në këtë rast.

Globulinat Alfa 2 të ulëta

Një vlerë e ulët e tyre tregon për kequshqyerje, anemi megaloblastike, sëmundje të mëlçisë, sëmundja e Vvilson (sëmundje gjenetike e shkaktuar nga mbledhja e bakrit në organe dhe inde), hemoliza (shkatërrimi i tepërt i rruazave të kuqe të gjakut).

Globulinat Alfa 2 të larta

Vlerat e larta mund të sjellin dyshime të pamjaftueshmërisë së veshkave, diabetit melit në fazë të avancuar, sindroma nefrotike, infarkt, hipertiroidizëm, sëmundje të kolagjenit, sëmundjen e Alzheimer, limfoma e Hodgkin.

Si në rastin e globulinave Alfa 1, edhe shtatzënia mund të shpegojë një rritje të tyre, që në këtë rast konsiderohet gjendje para-fiziologjike prandaj nuk duhet të shqetësoheni pasi është normale në këtë rast.

KUR KËRKOHET ANALIZA

Elektroforeza,e për pasojë, dhe vlera e globulinave alfa kërkohet në këto raste”

Sëmundje të sistemit nervor periferik të papërcaktuara mirë (nuk i atribuohet diabetit melit, ekspozimit ndaj toksinave, kemioterapisë…)

Hiperkalcemia (vlerat e larta të kalciumit në gjak) që i atribuohet tumoreve të ndryshme,

Anemia e re (reduktimi patologjik i hemoglobinës dhe/ose rruazave të kuqe të gjakut dhe/ose hematokritit)

Infeksionet aktuale,

Trauma të shoqëruara me fraktura të shpeshta.

PËRGATITJA

Nuk kërkohet përgatitje e veçantë për të bërë analizën, por për një vlerësim korrekt të tij është e rëndësishme që pacienti të jetë esëll për të paktën 8 orë para se të merret gjaku./ MeMjekun.com