Me Mjekun

Një lajm i shumëpritur nga të gjithë dhe që shpresojmë të jetë po aq efektive sa thonë krijuesit e saj. Një analizë e parakohshme tregon se vaksina e parë efektive për koronavirusin mund të parandalojë më shumë se 90 për qind të njerëzve që të infektohen.

Krijuesit e saj, Pfizer dhe BioNTech e përshkruajnë si “një ditë e madhe për shkencën dhe njerëzimin”. Vaksina e tyre është testuar në 43.500 njerëz në gjashtë vende dhe nuk ka pasur shqetësime për sigurinë e saj. Kompanitë kanë në plan të aplikojnë për një miratim emergjence për të përdorur vaksinën në fund të muajit.

Një vaksinë, bashkë me një trajtim më të mirë është parë si mënyra më e mirë për të lehtësuar masat që kanë ndryshuar tërësisht jetët tona. BBC shkruan se dhjetëra doza janë në fazën finale të testimit, ajo që njihet si faza 3, por ky është i pari që tregon ndonjë rezultat. Ajo ka një qasje plotësisht eksperimentale, që parashikon injektimin e një pjese të kodit gjenetik të virusit, në mënyrë që të trajnojnë sistemin imunitar.

Provat e mëparshme kanë treguar se vaksina trajnon trupin për të krijuar dy antitrupa, dhe një pjesë tjetër të sistemit imunitar të quajtura qelizat T për të luftuar koronavirusin. Nevojiten dy doza, me tre javë ndarje. Provat në SHBA, Gjermani, Brazil, Argjentinë, Afrikë e Juut dhe Turqi tregojnë se mbrojtja prej 90% arrihet në vetëm shtatë ditë pas dozës së dytë. Pfizer beson se do të jetë në gjendje të furnizojë 50 milionë doza deri në fund të këtij viti dhe rreth 1.3 miliardë deri në fund të 2021-shit. Megjithatë sfida logjistike është më e madhe, pasi vaksina duhet të mbahet në depo ultra të ftohtë nën minus 80 gradë celsius.

Por gjithashtu thotë BBC ekzistojnë pyetje se sa zgjat imunitetit dhe kompanitë nuk kanë paraqitur një ndarje të efektivitetit të vaksinës në grupe të ndryshme moshe. “Ne jemi një hap më pranë sigurimit të njerëzve në të gjithë botën me një përparim shumë të nevjshëm për të ndihmuar në dhënien fund të kësaj krize globale shëndetësore”, ka thënë Albert Bourla, kreu i kompanisë Pfizer. Ndërsa për një nga themeluesit e BioNTech, Ugur Sahin, ky është “një moment historik”.

Të dhënat e paraqitura nuk janë analizat përfundimtare. Kompanitë thonë se do të kenë të dhëna të mjaftueshme të sigurisë deri në javën e tretë të nëntorit për të çuar më pas vaksinën tek entet rregullatore. Deri atëherë nuk është e mundur që vendet të nisin fushatat e tyre të vaksinimit. Vetëm Britania e Madhe ka vendosur një porosi prej 30 milionë dozash./ MeMjekun.com

Burimi : BBC