Anoskopia është një teknikë që përdoret për të inspektuar në brendësi të anusit, kanalit anal dhe pjesët fundore të rektumit. Pra, specialisti vlerëson traktin final të aparatit tretës.
Pajisja e nevojshme për të bërë këtë ekzaminim quhet anoskop, një tub i butë dhe fleksibël që futet në anus. Zakonisht shoqërohet me një llampë alogjene që shërben për të ndriçuar zonën.
Anoskopia mund të shërbejë dhe për qëllime të tjera si për një biopsi, pozicionimin e lidhjeve elastike. Por funksioni i saj kryesor mbetet diagnoza e kancerit të zorrës së trashë dhe patologji të tjera.
Mbi të gjitha, ekipi mjekësor informon pacientin mbi teknikën që do të ndiqet. E rëndësishme është të dihen alergjitë e mundshme, ilaçet që merr pacienti etj. Këshillohet që procedura të paraprihet nga një klizmë apo laksativ për të lehtësuar analizën e traktit të rektumit.
Kur pacienti të ketë marrë pozicionin korrekt, mjeku nis ekzaminimin fizik të rektumit. Në këtë mënyrë ai vlerëson gjendjen e sfinkterit. Gjithashtu inspektohet dhe pjesa e jashtme e anusit për të gjetur lezione të mundshme.
Pasi përdoret një solucion detergjenti në zonë, vendoset anoskopi. Procedura nuk kërkon anestezi pasi nuk shkakton dhimbje. Në rastet e biopsisë mund të ketë një dhimbje apo hemorragji të lehtë. Pacienti pas ekzaminimit mund të kthehet pa problem në shtëpi.
Rezultatet e analizës dalin direkt pasi bëhet fjalë për një teknike me pamje. Nëse kërkohet biopsi atëherë do të duhen disa javë.
Siç e thamë anoskopia është një teknikë që të jep mundësinë të shohësh në brendësi të rektumit. Pra kërkohet kur pacienti ka ndryshime në këtë zonë. Shqetësimet më të zakonshme kur kërkohet kjo analizë janë:
Polipet
Absezet
Tumore të rektumit
Virusi i Papilomës njerëzore, ose HPV
Dhimbje të tjera të rektumit
Çarje që mund të shkaktojnë dhimbje dhe hemorragji
Hemorroide të dhimbshme dhe me gjak.
Specialisti mund të kërkojë anoskopinë kur nevojitet një biopsi e rektumit apo një lidhje elastike si trajtimi ndaj hemorroideve.
Por ka disa gjendje kur ajo nuk këshillohet, si për shembull gjatë një krize hemorroidesh apo një infeksioni.
Në rast se ekzekutimi i ekzaminimit bëhet gabim, pacienti mund të ketë dhimbje intensive dhe të vazhdueshme, hemorragji, temperaturë dhe ethe, inflamacion të zonës. Në këto raste duhet shkuar sërish te mjeku, dhe shmangni absolutisht vetëmjekimin./ MeMjekun.com
E njohur dhe si terapia e kripës, haloterapia është një trajtim alternativ që përfshin ekspozimin…
Gastrina është hormoni që luan një rol të rëndësishëm në procesin e tretjes, duke ndihmuar…
Ekografia është ndër mjetet më të përdorura në mjekësi për ekzaminimet. Një nga inovacionet e…
Virus në latinisht d.m.th helm. Viruset qëndrojnë ne mes kufirit të së gjallës dhe të…
Ekzaminimi i densitometrisë së kockave tregon nëse jeni prekur nga osteoporoza apo se shëndeti i…
E RENDESISHME! Ky artikull është vetëm për të rriturit dhe jo fëmijët. Rekomandohet se para…