Me Mjekun

Cistoskopia është një analizë diagnostikuese endoskopike që tregon për shumë patologji të pjesës së poshtme të aparatit urinar, në veçanti, kur ka dyshime për tumor të fshikëzës.

Shpikjet e fundit teknologjike kanë çuar në zhvillimin e një fibroendeskopie fleksible ( e quajtur cistokop). Një mjet i tillë ka një telekamera të vogël në ekstremitetin e saj që jep pamjen e brendshme të fshikëzës. Kalibri i butë i cistoskopit dhe lakueshmëria e saj jep një ekzaminimin intravesikal më të saktë dhe më pak të bezdisshëm se ai në të shkuarën.

Përmes saj mund të vlerësohet uretra, qafa e fshikëzës, fshikëza e urinës dhe grykat me të cilat hapen të dy uretrat në fshikëz (uretrat janë kanale të holla që çojnë urinën nga veshkat në fshikëz).

PSE KERKOHET EKZAMINIMI

Cistokopia kërkohet në një numër rastesh por mes më kryesoreve kujtojmë:
Pamje direkte e një neoplazie të mundshme të fshikëzës, pas një ekzaminimi citologjik pozitiv për qeliza tumorale.

Marrja e kampioneve të indeve për të bërë analizën histologjike.

Hematuria mikroskopike asimptomatike, pra gjak me urinë e dukshme për syrin pa dhimbje dhe pa simptoma të tjera.

Patologjia obstruktive që prek uretrën dhe prostatën (që nga gurët, stenozatr, inflamacioni etj)

Keqformim të uretrës apo fshikëzës

Eksplorim të mukozës së fshikëzës për të parë nësa ka cist, inflamacion që mun të jetë bakteriale, aseptik apo intesticial.

Përhapje intraluminale si polipet apo tumoret

Gurët në veshka

Trupa të jashtëm

Divertikulozë

Pamjaftueshmëri të fshikëzës

Dhimbje kronike të legenit për të përjashtuar shkaqe urologjike.

Ka dhe raste të rralla kur kërkohet cistoskopia si kateteri i uretrave nën drejtimin e cistoskopit.

Përveçse diagnostikuese, cistoskopia mund të shërbejë dhe si trajtim dhe në këtë rast merr emrin cistoskopia operative. Me vendosjen e një mjeti të vogël të jep mundësinë të shohësh ndërhyrje të vogla në fshikëz si polipe, gurë apo tumore të vegjël.

PËRGATITJA

Gjatë procedurës së ekzaminimit duhet që pacienti të mos ketë infeksione urinale dhe të ketë një urinë sterile. Për këtë qëllim shtatë ditë para ekzaminimit mjeku mund të kërkojë një analzië të kulturës së urinës dhe antibiogramën për të dhënë një trajtim të duhur me antibiotik.

Dhe pse nuk është i dhimbshëm cistoskopia është një ekzaminim invaziv për të cilin një ditë para saj pacienti merr një antibiotik me qëllim profilaktik që duhet ta vazhdojë dhe për 4-5 ditët pas ekzaminimit.

SI KRYHET

Po flasim pikërisht për cistoskopinë trans-uretrale, ku endoskopi futet në fshikëzë përmes uretrës, kanalit ku del urina. Teksa tek femrat kjo procedurë është disi më e lehtë, tek meshkujt është disi më e vështirë duke pasurparasysh gjatësinë dhe kalibrin e vogël të fshikëzës mashkullore.

Për të lehtësuar futjen e endoskopit koka e mjetit lyhet me një xhel të veçantë që ka dhe funksion lubrifikues dhe anestezik (xhel lidokaine). Shumë rrallë mund të duhet një anestezi e plotë, apo spinale.

Sa zgjat cistoskopia?

Ekzaminimi mund të zgjasë nga 5 në 20 minuta në mënyrën standard, apo të jetë më e gjatë në procedura operuese.

Në përfundim të ekzaminimit pacienti është në gjendje të kthehet vetë në shtëpi, pa qenë nevoja e një shoqëruesi.

A ka dhimbje?

Vendosja e endoskopit mund të shkaktojë një bezdisje të fortë, ndonjëherë përshkruhet si një dhibmje e lehtë sidomos tek meshkujt, për shkak të kanalit uretral që është më i gjatë. Përdorimi i ujit steril gjatë procedurës mund të nxisë efektin e urinimit.

KOMPLIKACIONET DHE KUR NUK REKOMANDOHET

Kundërudhëzimi i cistoskopisë bëhet në rastet e:

Infeksionit gjenito-urinar
Stenozës së ngushtë apo keqformime anatomike në nivel uretral, aq sa pengojnë hyrjen e cistoskopit

Si shumë procedura mjekësore edhe cistoskopia mund të japë komplikacione, që janë jo të zakonshme dhe lehtësisht të menaxhueshme duke u trajtuar me ilaçe. Komplikacionet më të shpeshta janë:

Hemorragjia uretrale,
Gjakosje në urinë në fazën e mëpasshme të analziës
Djegie gjatë uriimit
Urgjencë urinimi
Lezione të uretrës apo fshikëzës
Mbajtje akute e urinës, sa nevojitet kateter
Ethe, nauzea dhe gjendje e keqe e përgjithshme.

PAS EKZAMINIMIT

Pas ekzaminimit pacienti është në gjendje të marrë veten plotësisht. Megjithatë këshillohet të shmangen sforcimet e sidomos të pijë shumë, kështu favorizon rekuperimin sa më shpejt të efekteve të vogla kolaterale të ekzaminimit, si djegia apo bezdisja gjatë urinimit. Gjithashtu këshillohet të mos kryen marrëdhënie seksuale për disa ditë derisa të kaloni totalisht të gjitha simpatomat e lehta të inflamacionit apo infeksionit. / MeMjekun.com