Quhet ndryshe edhe verdhëza e të porsalindurve dhe ndodh në 60% të fëmijëve të porsalindur. Më të shprehur e gjejmë tek fëmijët e lindur para kohe. Më poshtë janë disa këshilla se si duhet të veprojmë dhe kur duhet të shqetësohemi:
Verdhëza shfaqet 48 orë pas lindjes. Kjo ndodh për shkak të grumbullimit të
bilirubinës në organizëm.
Nuk ka lidhje me hepatitin viral, as me vaksinën e hepatitit B që bëhet në
momentin e lindjes.
Që të shfaqet ngjyra në lëkurë, niveli i bilirubinës në gjak duhet të jetë 5 mg/dl. Norma është 1 mg/dl.
Rruazat e gjakut të të porsalindurit kanë jetëgjatësi më të shkurtër. Shkatërrimi i tyre prodhon bilirubinë të pakonjuguar, e cila konjugohet në mëlçi. Pastaj jashtëqitet me zorrët. Funksionet e mëlçisë janë të paformuara mirë. Zgjat normalisht një javë. Por ngjyra e verdhë në sy ose lëkurë mund të mbetet edhe 2- 3 javë të tjera. Ka disa autorë që bëjnë përgjegjës qumështin e gjirit për verdhëzën fiziologjike, por kjo nuk do të pengonte në asnjë mënyrë dhënien e gjirit. Pra, mbetet në kuadrin e hipotezës. Gjendja e fëmijës është e mirë. Pi mirë, nuk vjell, shton në peshë. Megjithatë kjo gjendje duhet vlerësuar me rigorozitet nëse kalon 8 mg/dl. Mund të ketë edhe sëmundje me pasoja të tjera, prandaj qëllimi i këtij shkrimi është ndergjegjësimi i nënave të reja.
a – papajtueshmëria e grupit të gjakut të nënës me të fëmijës. Kjo shfaqet që në
orët e para të lindjes.
b – hematomat në kokë
c – sepsisi (infeksion në gjak)
d – defiçit i një enzime ,G6PD, që sjell pasojë anemi hemolitike
e – keqformimet e lindura të rrugëve të tëmthit (atrezi).
Rreziku i një ikteri patologjik është dëmtimi i trurit, kur kalon shifrën 20mg/dl.
Trajtimi bëhet me foto-terapi. Bëhet një vlerësim i fëmijës në momentin e daljes
nga materniteti. Matja rutinë e bilirubinës transkutan. Vlerësimi me sy të lirë
asnjëherë nuk është i saktë. Kur vlera kalon 8mg/dl bëhen ekzaminime plotësuese
për të zbuluar shkaktarët dhe për të marrë mjekimin e nevojshëm.
Artikull nga dr. pediatre Zerina Sheme
Regjimi ushqimor MIND (Mediterranean-DASH Intervention for Neurodegenerative Delay ) është një model i të ngrënit…
Në anglisht njihet me termn "Intermittent fasting", pra agjërim me ndërprerje dhe është një ndër…
Adalimumab është përbërës aktiv në klasën e imunosupresantëve dhe frenuesve të faktorit alfa të nekrozës…
Teoria e Vetëvendosjes njihet ndërkombëtarisht si SDT, pra procesi i rregullimit integrues të emocioneve. SDT…
Hepatiti B është një infeksion serioz i mëlçisë i shkaktuar nga virusi i hepatitit B…
Depresioni tek adoleshentët (mosha 13-17 vjeç) është një çrregullim serioz shëndetësor. Është më shumë sesa…