Konsiderimi i humbjes së nuhatjes dhe shijes nga COVID-19 si një simptomë e mundshme e sëmundjes nuk është më një hipotezë sipas disa shoqatave mjekësore. Për shembull, e bindur për këtë është la Sociedad Española de Neurología, ku përmes një komunikate paralajmëron se vetëm kjo simptomë duhet të jetë arsye e izolimit.
Sipas neurologëve spanjollë, të dhënat e mbledhura nga vendet e tjera, si Kina dhe Gjermania, tregojnë se kjo simptomë duhet të merret në konsideratë. Ata sugjerojnë se duhet të karantinohet për 14 ditë kush ka papritur humbje të nuhatjes apo të shijes.
Por nga ana tjetër, OBSH dhe as Ministritë e Shëndetësisë së vendeve nuk e kanë konfirmuar këtë teori. Të dy simptomat në fakt nuk janë të përfshira në protokollin diagnostikues për stafin mjekësor që merren me pandeminë.
Sipas Hendrick Streeck, drejtor i institutit të Virologjisë së Bonit në Gjermani, është simptoma më e shpeshtë tek pacientët e rinj dhe personat që kanë një formë më të lehtë të sëmundjes.
Anosmia, humbja e nuhatjes
Sipas kësaj teorie, midis humbjes së nuhatjes dhe shijes nga COVID -19 do të ishte simptoma e parë, e quajtur anosmia. Me këtë kuptohet humbja totale e nuhatjes, ndërsa hiposmia është reduktim i saj. Shkaqet në bazë të këtij çrregullimi janë të ndryshme dhe duke qenë një simptomë subjektive mbetet i vështirë identifikimi konkret.
Disa njerëz mund të flasin për anosmia gjatë një ftohje, apo një sinuziti dhe alergji të stinës. Rastet më të rënda janë të lidhura me një lezion të trurit apo tumor.
Nuk ka një trajtim specifik për anosmia-n, duhet gjetur shkaku dhe të kurohet. Në situatën aktuale të emergjencës nga koronavirusi, konsiderohet një këmbanë alarmi, por jo aq sa për të ndryshuar protokollin e ndërhyrjes.
Kujtojmë që simptomat e njohura të infeksionit të COVID-19, ato që kërkojnë një izolim të menjëhershëm dhe izolim janë:
Temperatura
Kolla e thatë
Përkeqësim i shëndetit
Disa shoqata mjekësore, si ajo britanike e ORL-ve, ENT UK, propozon që të shtohet dhe humbja e nuhatjes dhe shijes si simptoma fillestare. Kjo do e bënte më të shpejtë diagnozën, duke izoluar menjëherë pacientët. Diagnostikimi i hershëm është një aspekt vendimtar në kontrollin e pandemisë.
Një draft studim shkencor në Kinë kishte studiuar simptomat e pazakonta të koronavirusit. Dhe në atë rast bëhej fjalë për simptoma të tretjes.
Sipas shkencëtarëve kinezë, pothuajse gjysma e pacientëve që ishin pjesë e studimit shfaqën simptoma të tretjes gjatë sëmundjes. Shfaqja e këtyre simptomave ishte diarrea.
Në të njëjtën kohë pacientët me simptoma tretëse gjatë shtrimit në spital përjetuan një kurs më të ngadaltë se ata që përjetuan vetëm simptomat e frymëmarrjes.
Duhet të jemi të kujdesshëm me të dhënat e disponueshme për momentin. Dhe pse shoqata të ndryshme mjekësore propozojnë edhe këtë simptomë në protokollin diagnostikues, duhet kujdes derisa të konfirmohet nga entet zyrtare. / MeMjekun.com
E njohur dhe si terapia e kripës, haloterapia është një trajtim alternativ që përfshin ekspozimin…
Gastrina është hormoni që luan një rol të rëndësishëm në procesin e tretjes, duke ndihmuar…
Ekografia është ndër mjetet më të përdorura në mjekësi për ekzaminimet. Një nga inovacionet e…
Virus në latinisht d.m.th helm. Viruset qëndrojnë ne mes kufirit të së gjallës dhe të…
Ekzaminimi i densitometrisë së kockave tregon nëse jeni prekur nga osteoporoza apo se shëndeti i…
E RENDESISHME! Ky artikull është vetëm për të rriturit dhe jo fëmijët. Rekomandohet se para…