Share This Article
Kush është i prekur nga kanceri në gji, shpesh herë duhet të ndjekë një regjim të ndryshëm ushqimor. Përsa i përket regjimit ushqimor për tumorin e gjirit, në mënyrë më specifike, qëllimi është të ruajë energjitë dhe të përballojë efektet anësore të trajtimit.
Kur kemi një shëndet të mirë, është e lehtë të ndiqet një regjim ushqimor i plotë dhe i ekuilibruar. Por kur përballesh me një patologji si kanceri, është i nevojshëm trajtimi me ilaçe, dhe regjimi bëhet më i komplikuar. Më poshtë do të flasim për regjimin ushqimor që rekomandohet më së shumti për gratë e prekura nga tumori i gjirit.
KANCERI I GJIRIT
Kanceri i gjirit është një sëmundje që prek qelizat e gjirit. Pas tumorit në lëkurë, ai i gjirit dhe neoplazia është më i shpeshtë tek gratë. Edhe pse kjo patologji mund të prekë dhe burrat dhe gratë, më së shumti ndodh te këto të fundit.
Fushatat ndërgjegjësuese dhe përparimet në kërkimet shkencore kanë çuar në një diagnostikim më të hershëm të kësaj sëmundje. Shkalla e mbijetesës është rritur dukshëm dhe numri i vdekjeve të lidhura me këtë sëmundje është vazhdimisht në rënie.
Lexo edhe– Çfarë duhet të dimë për kancerin e gjirit?
ÇFARË DUHET TË KONSUMOHET
Ushqyerja mirë gjatë trajtimit të kancerit të gjirit ndihmon në:
ruajtjen e shëndetit
ruajtjen e energjive
marrja e ushqyesve të nevojshëm
shmang shtimin e papritur të peshës.
Gjatë trajtimit me kemioterapi, radioterapi apo të dyja mund të ndiqni këshillat e mëposhtme ushqyese:
Pini çdo ditë të paktën 8 gota pije jo kalorike si uji apo çaji. Mospirja e sasisë së duhur sjell marrje mendsh, kapsllëk, të përzeria, lodhje dhe infeksion të traktit urinar.
Mos i shmangni vaktet. Këshillohet të konsumohen vakte të vogla me intervale gjatë gjithë ditës. Sidoqoftë ka disa trajtime eksperimentale premtuese përsa i përket regjimit ushqimor sipas një kërkimi shkencor të publikuar në revistën e njohur Clinics.
Kufizoni konsumin e alkoolit apo mundësisht ta shmangni fare Në raste dyshimesh apo pyetejesh duhet të flisni me mjekun.
NË ÇFARË RAPORTI DUHET TË HAMË
E rëndësishme është të dimë edhe sasinë e duhur të ushqimit që duhet të konsumohet. Në shpjegimin më poshtë janë dhe racionet e duhura të grupeve të ndryshme të ushqimeve
Proteinat mund të jenë me origjinë shtazore ose bimore
Proteinat bimore merren nga burime të ndryshme duke përfshirë quinoa, lakra, gruri dhe të tjera të ngjashme. Ato shtazore gjenden tek mishi i bardhë si peshku, gjeli i detit dhe pula. Këshillohet të kufizohet konsumi i mishit të kuq të paktën dy herë në javë.
E rëndësishme është të merrni proteina për parandalimin e humbjes së masës muskulore, një faktor që shoqërohet me një rritje të shkallës së vdekshmërisë, sipas një studimi të botuar në revistën Maturitas.
Frutat dhe perime të të gjitha llojeve dhe ngjyrave
Kur nuk jeni në një trajtim kemioterapi mund të konsumoni fruta dhe perime të gjalla. Gjatë cikleve të kemioterapisë, megjithatë, duhet ë hani vetëm ushqime të ziera për shkak të niveleve të ulëta të mbrojtjes imunitare.
ÇFARË DUHET TË SHMANGNI?
Duke u përqëndruar në një listë gjërash që nuk duhet të konsumoni është frustruese dhe demotivuese. Por më mirë të fokusohemi të arsyet pse duhen shmangur disa ushqime.
Ushqimet në kuti, të tymosura apo të skuqura. E njëjta gjë vlen dhe për sallamet që përmbajnë nitrite, dhe substanca të tjera kancerogjene sipas udhëzimeve të dhëna nga Organizata Botërore e Shëndetësisë. Edhe ushqimet e tymosura, si mishi në zgarë apo të skuqurat kanë yndyrna të ngopura pak të shëndetshme
Në regjimin ushqimor për kancerin e gjirit rekomandohet kufizimi i konsumit të sojës dhe grejpfruit. Soja përgjithësisht është një ushqim i këshilluar për shkak të përmbajtjes së saj proteinike; por ata që i nënshtrohen cikleve të kemioterapisë duhet ta kufizojnë pasi mund të ndërveprojë me trajtimin.
Grejpfruit prodhon enzima që favorizon eliminimin e ilaçeve kemioterapeutik duke kufizuar efektet e tyre.
Në rastet e mnbrojtjes së ulët imunitare ose neutropenisë rekomandohet të shmangen dhe probiotikët. Në përgjithësi ato rigjenerohen, por mund të shkaktojnë efektin e kundërt tek njerëzit me sistem të dobët imunitar. Për shembull në vend që të mbrojnë florën e zorrëve, ato mund të shkaktojnë infeksion.
Përveçse regjimit të shëndetshëm ushqimor për kancerin e gjirit, i rëndësishëm është dhe aktiviteti i rregull fizik. Shëtitjet e lehta, joga apo kërcimi ndihmojnë në prodhimin e endorfinës.
Aktualisht po eksperimentohen disa plane ushqimore që po japin rezultate të shkëlqyera. Për shembull, antioksidantët dhe agjërimi i ndërprerë- angl: Intermmitent fasting– (një plan ushqimi që nuk të thotë për cilat ushqime duhen ngrënë, por kur duhet t’i konsumoni ato, pra, një model i periudhave kur duhet të hani dhe kur jo). Ato mund të bëjnë ndryshime në luftën kundër kancerit të gjirit; megjithatë studimet kanë nevojë të thellohen më tej./ MeMjekun.com