Share This Article
Transfuzioni i gjakut është një nga shtyllat e mjekësisë aktuale. Ajo është një procedurë që shpëton një numër të madh jetësh, pasi zëvendëson gjakun e humbur, për shembull gjatë një aksidenti.
Transfuzioni i parë i gjakut të njeriut mendohet se është bërë në shekullin e 18-të. Por grupet e ndryshme të gjakut u identifikuar vetëm në shekullin e 20-të. Për këtë arsye deri atëherë, transfuzione të tilla mund të rezultonin fatale.
Grupi i gjakut është një klasifikim i gjakut në bazë të karakteristikave të qelizave të kuqe të gjakut, Kur personi ekspozohet ndaj një gurpi gjaku të papajtueshëm me të mund të ketë reaksione që mund të çojnë deri në vdekje.
Falë këtyre të dhënave është bërë e mundur të zhvillohet procedura e transfuzionit të gjakut në mënyrë të sigurtë dhe efikas. Më poshtë do të shpjegojmë atë që duhet të dini për këtë proces.
KU KONSISTON
Transfuzioni i gjakut është bërë një procedurë rutinë mjekësore. Ajo konsiston në marrjen e gjakut apo disa derivateve të tij nga një tjetër individ, që quhet donator. Gjaku përbëhet nga këta komponentë:
Eritrocitet, apo qelizat e kuqe të gjakut, përgjegjëse për transportin e oksigjenit dhe eliminimin e “mbeturinave” të gjakut.
Qelizat e bardha, të cilat ndihmojnë organizmin të luftojë infeksionet
Trombocitet të përfshirja në koagulimin e gjakut
Pazma që përbën pjesën e lëngshme të gjakut
Për të bërë një transfuzion gjaku një individ duhet së pari të ketë dhuruar gjak. Donatori është një vullnetar që nuk merr asnjë lloj shpërblimi për këtë gjest.
SI BEHET DHURIMI I GJAKUT?
Dhurimi i gjakut është një procedurë shumë e thjeshtë që ndihmon në shpëtimin e jetës së një personi. Për të qenë donator duhet të jeni në gjendje të mirë shëndetësore, të peshoni më shumë se 50 kg dhe të mos jeni anemikë apo të keni çrregullime të gjakut.
Për të bërë dhurimin mund të shkoni në një qendër të specializuar apo të përfitoni nga fushatat sensibilizuese që bëhen në vende publike.
Pra, ulesh me krahun të shtrirë mbi një mbajtëse dhe personi përgjegjës do ju masë tensionin e gjakut dhe do të verifikojë nëse jeni në kushtet për të dhuruar. Pra, do ju lidhet një llastik përreth krahut pasi kështu është më e lehtë të gjendet vena. Sigurisht që age e gjilpërës duhet të jetë sterile ashtu si dhe zona e lëkurës ku do të vendoset. Gjaku mblidhet në një qese prej 470 ml.
Procedura është më e thjeshtë se sa duket. Nuk ka dhimbje dhe zgjat rreth 10 minuta. Në përgjithësi parashikohet një mesvakt i vogël për të rikuperuar energjitë. Por në përgjithësi nuk ka komplikacione.
Sipas një studimi, çdo vit dhurohen rreth 92 milionë njësi gjaku, e megjithatë ka një defiçit prej 22 milionë njësish në të gjithë botën. Për këtë arsye, të gjithë duhet të kontribuojmë si dhurues gjaku.
PSE BEHET TRANSFUZIONI I GJAKUT
Transfuzioni i gjakut bëhet për trajtimin e një pacienti me mangësi të ndonjë prej përbërsve të gjakut. Për shembull, në rastet kur pacienti nuk arrin të prodhojë qeliza gjaku për shkak të një problemi të palcës së kockës.
Një procedim i tillë ka një sërë udhëzimesh, si trajtimi i hemofilisë, për të cilin i garanton pacientit një proces të përshtatshëm koagulimi.
Përdorime të tjera janë:
Në rastet e hemorragjisë, për të riintegruar vëllimin e gjakut
Ndërhyrjet kirurgjikale ku është parashikuar huymbje e gjakut, si transplanti i organeve dhe rregullimi i dëmtimeve.
Anemia kronike
Pacientët që i nënshtrohen kemioterapisë.
CILAT JANË RREZIQET
Transfuzioni i gjakut në përgjithësi është një procedurë e sigurtë. Megjithatë edhe pse rreziku është i ulët, mund të verifikohen disa komplikacione. Më të zakonshmet janë alergjitë e buta që shkaktojnë ortikarie dhe ethe.
Nga ana tjetër, është e rëndësishme të dimë se sot nuk ka gjasa të ndodhin infeksione. Aktualisht, gjaku i donatorëve po testohet për të përjashtuar çdo infeksion të transmetueshëm, siç është HIV ose hepatiti.
Është e vërtetë që në disa raste mund të prodhojë dhe reaksione imunitare si pasojë e transfuzionit. Pra e shtyn sistemin imunitar të sulmojë qelizat e kuqe të transfuzuara./ MeMjekun.com