Share This Article
Urinimi i pavullnetshëm tek fëmijët është një term mjekësor që tregon mungesën e kontrollit të fshikëzës, me pasojë bërjen aksidentale të urinës.
Fëmija laget qoftë ditën e qoftë natën, dhe kur kjo ndodh ka vështirësi të menaxhojë në mënyrë të vetëdijshme nevojën e urinimit, dhe ndonjëherë identifikohen dhe probleme shëndetësore si:
Infeksion të traktit urinar
Diabet, patologji ku glicemia është e lartë
Probleme me veshkat,
Probleme neurologjike
Kapsllëk, situatë ku fëmija defekon të paktën dy herë në javë, feçja është e fortë, e thatë dhe e vogël, e vështirë për të dalë jashtë.
Apnea ostruktive në gjumë, (OSA- nga anglishtja Obstructive Sleep Apnea, gjendje ky frymëmarrja ndërpritet gjatë gjumi, shpesh për shkak të bajameve të inflamuara ose të zmadhuara,
Probleme strukturore të traktit urinar.
Mosha kur fëmija bëhet komplet autonom dhe i vetëdijshëm për të bërë urinën ndryshon:
Tek fëmijët e vegjël të lagen nga urina është fiziologjike dhe nuk konsiderohet si urinim i pavullnetshëm.
Urinimi i pavullnetshëm natën diagnostikohet duke nisur nga mosha 5-6 vjeç, dhe ajo natën 7 vjeç.
Specialisti ku duhet të shkoni është pediatri i cili rekomandon pacientin tek urologu.
Frekuenca
Mbi 90% e fëmijëve është në gjendje të kontrollojë urinimin gjatë ditës në moshën 5-vjeçare. Tek fëmijët urina gjatë natës në shtrat është më e shpeshtë se ditën.
Urinimi i pavullnetshëm quhet edhe enuresis dhe klasifikohet si:
Enuresis primare: Urinimi i pavullnetshëm tek një fëmijë që ende nuk është mësuar të jetë i vetëdijshëm për këtë.
Enuresis sekondare: urinimi i pavullnetshëm shfaqet të paktën 6 muaj pasi fëmija kontrollon urinimin në mënyrë të vetëdijshme
Enuresis nokturna: kur urinimi ndodh gjatë natës në shtrat.
Enuresis gjatë ditës: urinim i pavullnetshëm që shfaqet gjatë ditës.
SHKAQET E ENURESIS NOKTURNA
Shkaku i saktë në pjesën më të madhe të enuresis nokturna nuk është e njohur, por disa pacientë mund të kenë probleme strukturore të traktit urinar, dhe ndonjëherë një bashkësi faktorësh mes të cilëve:
Zhvillimi i ngadaltë fizik
Një mbiprodhim i urinës gjatë natës
Paaftësia e perceptimit të rimbushjes së fshikëzës gjatë gjumit.
Gjithashtu enuresis nokturna lidhet edhe me sindromin e mugnesës së vëmendjes dhe hiperaktivitetit, apneas ostruktive në gjumë dhe ankthit.
Në fund mund të flasim dhe për praninë e faktorëve gjenetikë, një farë mundësie trashëe trashëguar nga njëri apo të dy prindërit, që favorizon shfaqjen e enuresis nokturna.
SHKAQET E ENURESIS GJATË DITËS
Enuresis gjatë ditës mund të jetë për shkak të një infeksioni apo problemeve strukturore të traktit urinar. Në mungesë të këtyre shkaqeve që përmendëm, ky shqetësim është më pak i shpeshtë dhe ka tendencën të zgjidhet para enuresis nokturn. Fshikëza tepër aktive, mbajtja e urinës apo zbrazja jo e plotë e fshikëzës janë shkaqet e zakonshme të enuresis gjatë ditës.
TRAJTIMI
Shumica e formave të urinimit të pavullnetshëm kalojnë spontanisht me rritjen dhe zhvillimin dhe nuk kërkojnë trajtim. Nëse është e nevojshme mund të bëhet një stërvitje e fshikëzës me strategji të lidhura, alarme me sensorë të lagështirës dhe ilaçe.
Me rritjen fëmija rrit kapacitetet e fshikëzës, aktivizon alarmin natyral të trupit, normalizon fshikëzës tepër aktive dhe prodhimin e urinës, përmirëson përgjigjen ndaj sinjaleve të trupit për mbajtjen e urinës.
Alarmi me sensorë të lagështirës nuk është i njohur në Shqipëri, por ka të bëjë me një aparat që vë alarmin në momentin që fëmija nis të lagë shtratin, duke e zgjuar atë.
Përsa i përket ilaçeve për fshikëzën tepër aktive mund të trajtohet me oksibutynin (Ditropan), nj ëilaç që ndihmon të qetësojë muskujt e fshikëzës dhe të kontrollojë spazmat. / MeMjekun.com