Share This Article
Edukimi për shëndetin është thelbësor për shoqërinë bashkëkohore. Përmes përvetësimit të njohurive dhe aftësive nga popullata, çdo individ është në gjendje të marrë vendime të vetëdijshme për shëndetin e tij.
Megjithëse koncepti i shëndetit për shumë prej nesh është kuptuar si mungesë sëmundjesh, në të vërtetë ka kuptim më të gjerë. Shëndeti duhet të kuptohet si gjendje e mirëqenies personale dhe sociale.
Për më tepër, e rëndësishme është të konsiderojmë se për të pasur një shëndet të mirë, duhet të promovohet përgjegjësia individuale. Kjo nuk do të thotë vetëm të adoptosh zakone të shëndetshme për veten por dhe për të tjerët.
ÇFARË SYNON EDUKIMI MBI SHËNDETIN
Në vitet e fundit, edukimi për shëndetin ka marrë një rëndësi të madhe dhe konsiderohet si një ndër aspektet thelbësore të proceseve të lidhura me arsimin dhe edukimin shëndetësor. Sipas OBSH-së, me edukim për shëndetin nënkupton:
“Aktivitetet edukative kanë për qëllim rritjen e njohurive të popullatës në lidhje me temat që lidhen me shëndetin dhe zhvillimin e vlerave, sjelljeve dhe aftësive personale që promovojnë shëndetin.
Sipas ekspertëve të tjerë, përmes edukimit për shëndetin njerëzit mësojnë se të sillen në mënyrë të tillë që promovojnë shëndetin, mirëqenien dhe shërimin. Me fjalë të tjera, fiton sjellje dhe zakone të shëndetshme.
Por në fakt shkon dhe më tej, duke pasur parasysh që lejon dhe zhvillimin e aftësisë kritike të individit në lidhje me shëndetin e tij, si dhe ti japë atij mjetet për tu kujdesur për veten dhe të tjerët.
Gjithashtu vlerëson faktorët e ndryshëm që ndikon në shëndetin e popullatës. Për shembull, duke analizuar shkaqet mjedisore, sociale dhe ekonomike në bazë të sëmundjeve dhe problemeve të ndryshme shëndetësore.
METODOLOGJIA
Si çdo proces edukativ, edukimi për shëndetin bëhet përmes metodologjive të ndryshme. Në vend të parë, gjejmë metodat direkte apo dypalëshe. Për shembull, mësuesi i cili transmeton njohuritë e tij tek nxënësi apo një bisedë në grup.
Brenda metodave të tilla gjejmë dhe atë të bisedës mbi argumente relative për shëndetin dhe dialogu. Një shembull i qartë për këtë është ajo me mjekun gjatë një vizite, ku profesionisti jep një sërë rekomandimesh për pacientin.
Së dyti, është metoda indirekte, pra dhënia e një mesazhi që mund të shkojë në shumë persona përmes masmedias. Për shembull, edukimi për shëndetin bëhet përmes broshurave dhe gazetave, apo televizioneve dhe radios.
RËNDËSIA E INTERNETIT
Me rëndësi të nënvizohet se interneti luan aktualisht një rol thelbësor në shpërndarjen dhe edukimin shëndetësor. Sot, në fakt, është burimi më i gjerë i informacionit. Problemi qëndron në faktin se informacioni është i vërtetë apo fals.
Prandaj është e nevojshme të dimë si ta përdorim atë dhe të kërkojmë gjithmonë burime të besueshme dhe edukative. Gjithnjë e më shumë po rriten aplikacionet e programet në dispozicion me qëllimin e promovimit, në nivele të ndryshme, të shëndetit dhe zakoneve të shëndetshme.
Së fundmi, duhet theksuar se edukimi për shëndetin nuk është një proces i përqendruar vetëm tek më të rinjtë, por kërkon një bashkëpunim të të gjithë popullatës. Nuk është kurrë vonë për të mësuar dhe për të marrë përgjegjësitë për shëndetin tënd./ MeMjekun.com