Kategorite

Me te lexuarat

Hipokondria, ankthi se vuan nga një sëmundje dhe COVID-19, çfarë duhet të dimë

hipokondria

Një fenomen që është vënë re në javët e fundit është ajo e hipokondrisë nga koronavirusi (hipokondria është ankthi dhe frikase je prekur nga një sëmundje). Reagimi që shfaqet është në nivele të ndryshme. Në rastet më të lehta flitet për dyshimin se mund të jesh infektuar nga virusi deri tek perceptimi më i ekzagjeruar i simptomave të ngjashme, si një tështimë e thjeshtë.

Në format më të rënda, është siguria se je sëmurë, duke pasur madje dhe simptoma të saj, dhe pse në të vërtetë jeni i shëndetshëm. Kjo gjendje shkakton një vuajtje të vazhdueshme, pasi njeriu është i bindur se është sëmurë por jo i trajtuar siç duhet. Pandemia ka sjellë pasoja të ndryshme, dhe mes tyre është dhe ai psiko-emotiv. Bombardimi me lajme, gjendja e përgjithshme e alarmit ndikojnë në rritjen e stresit. Kjo çon më lehtësisht në fenomenin e hipokondrisë.

HIPOKONDRIA NGA KORONAVIRUSI

Hipokondria përcaktohet si shqetësim mendor karakteristikë kryesore e të cilës është frika se mos sëmuresh. Kjo frikë e çon personin që e vuan atë që çdo ndjesi fizike ta interpretojë si një simptomë sëmundjeje.

Në shumë raste hipokondria çon në zhvillimin e simptomave të vërteta fizike, në përgjithësi dhimbje lokale e amdje deri në paralizë. Synimi i një personi hipokondrik nuk është të gënjejë të tjerët; por në të vërtetë ka sigurinë se është i sëmurë.

COVID-19 është një faktorë shtesë i frikës, përveçse një prani e vazhdueshme e saj. Në një situatë të tillë është e natyrshme të ketë një rritje të rasteve me hipokondri. Pra, me fjalë të tjera pandemia është një element që përkeqëson simptomat e hipokondriakëve.

 

PANDEMIA DHE ANKTHI

Ankthi është një gjendje që shprehet në mënyra të ndryshme, duke lindur sëmundje të ndryshme. Më e zakonshme është një frikë joproporcionale ndaj së ardhmes, ndjesia e të qënit nën kërcënim dhe të kesh një siguri të tillë se je në prag të vuajtjes së dëmit serioz.

Në kushte normale, një persion në ankth ka frikë për të ardhmen përballe një rreziku të vërtetë apo imagjinar. Në situatën që po jetojmë, megjithatë, rreziku është i pranishëm dhe mund të shkaktoj dëm serioz.

Shtoji kësaj dhe pasigurinë e përgjithshme, të paktën në këtë moment, nuk ka asnjë mënyrë të qartë për të dalë nga kjo sitautë. Të gjithë, kush më shumë e kush më pak po vuajmë, por njerëzit me ankth, e mes tyre dhe hipokondriakët, janë veçanërisht vulnerabël.

SI TE LUFTOHET HIPOKONDRIA?

Me masat që janë marë si izolimi në shtëpi, distancimi fizik dhe higjiena, duhet të kemi dhe një tjetër: trajtimi për mendjen. Çaste si këto vënë në provë të vështirë ekuilibrin mes arsyetimit dhe emocionit.
Ky është një aspekt për tu mbrojtur, mbi të gjitha duke mos u ngarkuar nga lajme katastrofike. Nuk bëhet fjalë për të mbyllur sytë e për të bërë sikur asgjë spo ndodh, por të përcaktosh një kohë për t’i kushtuar informacionet dhe pjesën tjetër për veten dhe të tjerët. Frymëmarrja, sporti dhe meditimi ndihmojnë shumë.

Si duhet të sillemi me një person hipokondrik? E rëndësishme është të mos kundërshtoni besimin e tij pasi do e rriste tek ai person ndjesinë që nuk është i mbrojtur. Përkundrazi, mbështetuni në këshillat e një psikoterapisti për të ndihmuar njerëzit tuaj të dashur./ MeMjekun.com