Kategorite

Me te lexuarat

Luksacioni koksofemoral, një formë e Rakitit tek fëmijët

luksacioni rakiti

Luksacioni koksofemoral kongenital i fëmijëve është një defekt i lindur që shprehet me mospërputhjen e kokës së femorit me acetabulin.

Pra, kur koka në formë topi e femurit del nga acetabuli (foleja) në formë kupe e baçinit, dhe zhvendoset mbi folenë e vet, ku duhet të rrijë normalisht.
Prek më shpesh femrat 8:1. Shkaktaret nuk dihen.
E hasim në tre forma
Displazia
– Luksacioni
– Subluksacioni

Displazia e thjeshtë: Konsiston në një mungesë zhvillimi të sipërfaqeve artikulare midis kokës femorale dhe acetabulit. Është shkak i kokso-artrozës tek të rriturit.
Subluksacion: Koka femorale ndodhet pjesërisht jashtë folesë së acetabulit.
Luksacion: Koka femorale humbet tërësisht raportin me acetabulin dhe zhvendoset sipër dhe prapa tij.

Kryesisht ndikon trashëgimia familjare sipas tipit recesiv. Dmth disa breza më parë mund të kenë patur në trungun familjar me të tilla anomali.
Më shpesh vihet re në lindjet podalike dhe tek ato gra që e kanë lindjen e parë.
Në ditët e sotme është ulur ndjeshëm numri i rasteve sepse diagnostikohet në fazën e hershme. Është e shërueshme 100%.

Që në lindje bëhet Echo të baçinit për të parë zhvillimin e kokës së femorit.
Gjithashtu, mjekët pediatër , që në vizitën e parë të kontrollit të fëmijës, bëjnë provën e Ortolanit. Kjo konsiston në hapjen 90° të këndit të kofshëve, duke bërë më pas lëvizje rrotulluese të lehta të kokës së femorit në drejtim të baçinit ( kokës së legenit)
Kur dyshon, i jep këshillat përkatëse, që t’ja mbajë këmbët hapur fëmijës me kënd 90° , duke i vendosur dy panolina të mëdha, ose napa.

Tek disa fëmijë osifikimi i kokseve përfundon në moshën 3 muaj. Prandaj bërja e grafisë së baçinit rekomandohet në moshën tre muajsh.

Subluksacioni shkon mirë me vendosjen e napave të mëdha në mes të kofshëve të fëmijës, me qëllim që koka e femorit të zhvillohet në folenë e vet.

Nëse ky defekt kapet nga mosha 3-6 muajsh , aplikohet jastëk pneumatik mes kofshëve, me qëllim që ato të rrinë të hapura. Kjo procedurë mund të vazhdojë deri në 9 muaj , duke rritur numrin e jastëkët nga 1 në 2 dhe pastaj 3, si ta gjykojë mjeku ortoped.
Nëse diagnoza vihet pas 6 muajsh trajtohet me imobilizim në gips (allçi)

Dikur, ky defekt kapej vetëm atëherë kur fëmija ngrihej në këmbë. Sot kjo gjë nuk ekziston.

Në të tilla raste trajtoheshin vetëm me ndërhyrje kirurgjikale duke vënë proteza platini.

Për të parandaluar displazinë e acetabulit rekomandohet edhe dhënia e vitaminës D me pika nga goja. Ndihmon në rritjen normale kockore në përgjithësi.
Simptomat zakonisht përfshijnë dhimbjen dhe paaftësinë për të ndenjur ulur.( mbi 6 muajsh)
• Si diagnostikohet:
Shenja pozitive Ortolani
Rografi art coxo- femorale bilaterale.
Komplikimet :
mund të përfshijnë nekroza avaskulare, dëmtimi i nervit shiatik ose artriti, dhimbje në ecje dhe çalim.
Këshilla:
Jepini fëmijëve tuaj 0-1 vjeç vitaminën D me pika siç ja u rekomandon mjeku i patronazhit.

Akoma vihet re një zakon i lidhjes në djep të fëmijëve.
Lidhja me rrip e këmbëve të fëmijës e përkeqëson një Subluksacion, duke bërë që fëmija të çalojë, kur të ngrihet në këmbë. Pra, vëreni të flerë me
tuta dhe këmbët e lirshme. Nxirrni fëmijën në diell sepse ndihmon në zhvillimin më të mirë kockor.

Artikull nga dr. pediatre Zerina Sheme. Per me shume shihni videon me poshte: